نظام آباد : ’’ رٹیل مارکٹنگ مسائل اورامکانات‘‘ پر سمینار

***پروفیسر ایس لمبا گوڑ پرنسپل اور ڈاکٹر تکا رام صدر شعبہ کامرس گری راج کالج نظام آباد کی اطلاع کے بموجب یوجی سی سیرو حیدرآباد کے زیر اہتمام دو روزہ قومی سمینار بعنوان’’ رٹیل مارکٹنگ مسائل اورامکانات‘‘ کا26؍ستمبر صبح 10-00بجے گولڈن جوبلی آڈیٹوریم گری راج کالج میں افتتاح عمل میں آرہاہے۔ اس دوروزہ کانفرنس کی افتتاحی تقریب کی صدارت پروفیسر ایس لمبا گوڑ کالج پرنسپل کریں گے۔ جب کے مہمان خصوصی جناب رونالڈ روس ضلع کلکٹر نظام آباد ہوں گے۔ مہمانان اعزازی پروفیسر ایچ وینکٹیشورولو ڈائرکٹر پی جی آر آر سی ای اور پروفیسر جینت و جوشی ڈین شعبہ



کامرس ایس آر ایم ٹی یونیوسٹی ناندیڑ ہونگے۔ مسٹر جی سوریا پرکاش راؤ اسسٹنٹ جنرل مینیجر اسٹیٹ بنک آف حیدرآباد ریجنل آفس نظام آباد کلیدی خطبہ پیش کریں گے۔ پروفیسر یادگیری شعبہ کامرس اور انچارج رجسٹرار تلنگانہ یونیورسٹی نظام آبادبھی مخاطب کریں گے۔اس سمینار میں ملک بھر کی جامعات سے آنے والے ریسرچ اسکالرس چلر فروشی مسائل اور امکانات سے متعلقہ موضوعات پر مقالے پیش کریں گے۔ کنوینر سمینار ڈاکٹر تکا رام نے کامرس سے متعلقہ اساتذہ‘لیکچررس اور طلباء سے اس دو روزہ قومی سمینار میں شرکت کی خواہش کی ہے۔ سمینار کا اختتامی اجلاس 27 ستمبر کو منعقد ہوگا۔